رحلة جميلة

موضوع: رحلة جميلة السبت أبريل 16, 2011 8:46 am

يســـرني أن أنقل لكــــم تقرير مصـــور
لرحـــلة قام بها طلاب وطالبات مدرسة محمد كمال لطفي الابتدائية

حيث استمتع الطلاب بالبرامج المقدمة الترفيهية و
الثقافـــية .

بيانات البرنامج
:

نوع البرامج : رحـــلة

الوقت : الفترة الصباحية
المكان : مدينة المنصورة
التاريخ : 14/4/2011 م
عدد الطلاب : 30طالب و طالبة

والي التفاصيل

قام الاستاذ / محمود فتحي

رائد فصل 5 / 1

بتنظيم رحلة الي فصله تشجيعا منه
لهم ولتحفيزهم علي الاجتهاد والمذاكرة بجد

الي مدينة المنصورة

بالتعاون مع الاستاذه / سماح صابر الاخصائية الاجتماعية بالمدرسة

وقد قام مدير مدرستنا الموقر الاستاذ عوض بيرم

بالموافقه علي تنظيم برنامج الرحلة

فاخذ الاستاذ / محمود فتحي

والاستاذه / سماح صابر

في الاعداد لرحلة بالتعاون مع السادة المشرفين وهم:

الاستاذ / سامي معتمد صابر (اخصائي
صحافة واعلام )

الاستاذه / سكينة مصطفي عبد العاطي
(مدرسة لغه عربية)

الاستاذه / امال احمد محمد محمد (ادارية )

الاستاذه / رشا الشال ( مدرسة حاسب الي )

وبعد الانتهاء من الاجراءت الازمه من اقرارات اولياء الامور والتصريحات
اللازمة للرحلة

تم اصطحاب الطلاب البالغ عددهم 38 طالب وطالبة في اتوبيس رحلات

في تمام الساعة الثامنه صباح يوم الخميس الموافق 14 / 4/ 2011 م

متجها الي مدينة المنصورة وسط فرحة كبيرة من الطلاب

وما شاهدته من ملامح الفرح والسرور علي انفعالاتهم طول مده الرحلة الذي اعطاهم واعطاني شعور بان
الوقت يمر سريعا ولم نشعر بالوقت الا بانتباهنا اننا وصلنا الي المنصورة

وكان ذلك في تمام الساعة التاسعه روحنا
فين ؟؟؟؟؟؟؟؟؟؟

حديقة الحيوان

اول ما وصلنا قولنا نستريح شويه من الطريق ونتناول الافطار

وبعد الفطار التمام انطلقنا في التجول في الحديقة

واستمتعنا كثيرا بمشاهدة الطاووس بالوانه الزاهية الجميله

و عند البحيرة كان البجع في انتظارنا يااااااااا علي جمالها

علي فكرة الصور دي من تصوير الاستاذ / سامي

وبعدين شوفنا الاسد والنمر كمان

والاجمل بقي ركن الالعاب ركبنا العربات الممغنطة يااااااااااااا كانت جميله
انا شخصيا استمتعت بركوبها قوي والطلاب كمان كانوا في غايه المرح واكتشفت انا
طلابنا عندهم امكانيات في السواقة كبيرة جدا

والمفاجــــــــــــــاه
بقي

متحف الحيوانات :

وده متحف فيه الحيوانات والطيور المتحنطة بصرحة انتم حتشوفها في الصور ذي
الحقيقة طبعا انا موش عارفة هي اتحنطت ازاي بس شكلها بجد اخدني جدا لا وكان فيه
طيور انا كنت اول مره اشوفها عن قرب موش صور ذي النورس ومن الحيوانات الغزال
والكبير بقي التمساح كان في مربع زجاجي كبير جدا

الطلاب بقي كانوا ذي بالظبط مبهور بالحيوانات والطيور والزواحف بس الاستاذ
/ محمود فتحي

شرح لينا كل اللي موجود في المتحف
طبعا استمع الطلاب وانا طبعا والمشرفين كمان ليه واستفدنا من اللي المعلومات
القيمة اللي قالها لينا

وبعد كدا رحنا فين ؟؟؟؟؟؟؟

رحنا مصنع الكوكا كولا وده بقي لوحده حكايه وصلنا ليه حوالي الساعه 12 اصطحبا
الي داخل المصنع المهندس المسئول في جوله
وشوفنا فيها المراحل كلها وهيه ايه بقي اقولكم

اولا : شوفنا الزجاجات وهي بتمر باربع مراحل من الغسيل بالماء وبعدين
الكحول وبعدين التجفف وبعدين التعقيم

وثانيا : وبعدين بتدخل الزجاجات
علي ماكينه كبيره جدا الماكينه دي متوصله بانابيب في حجرة بيتصنع فيها الصواد
والمواد المكونه ليها ( ودي بيسموها هناك الطبخة ايوه ذي ما قال لنا المهندس
المختص وكانت الطبخة اللي شغاله وقت ما كنا هناك اللي هيه بتاعت سبرايت ) المهم
الحجرة دي فيها حاجة ذي التانكات بس كبيرة جدا
واصل منها انابيب الي الماكينه دي ووبعدين
الماكينه دي تحط الغطا علي الزجاجة

ثالثا : توصل الزجاجة في الاخر جاهزه علي الصناديق التعبئة من غير ما ايد
تلمسها

وطبعا زي ما شفنا المراحل التصنيع كمان عملنا تذوق للمنتج

بجد انا اول واحده استفدت من
المكان ده موش علشان اللي سبرايت اللي شربناه علشان محدش يفهمني غلط

استفدت من المكان ده لانه صحح ليا بعض المعلومات اللي انا كنت فاهمه غلط
خالص ذي مثلا عامل النظافة للزجاجات عالي جدا فوق ما انا كنت فاكره خالص اربع
مراحل للغسيل وتعقيم وتجفيف انا كنت بميل للعبوات البلاستكية علشان كنت فاكره ان
الزجاجيه موش علي درجة كافية من الاهتمام بس اللي شوفته صحح الفكره عندي وكمان
المعلومات اللي عرفناها من المهندس المصاحب لينا في المصنع

وفي اخر الجوله صحبا الي بوابه المصنع وتمنوا ان نكون استمتعنا في الجوله
بصراحة كانت جوله ممتعه جدا

وبعد كدا رحنا فين؟؟؟؟؟؟؟؟؟؟

رحــــــــــــــــــــــنــــــــــــــــــــــــــــــــــــــا

جزيرة الورد

وبصراحة اسم علي مسمي اخدنا جوله كبيرة في المكان وبعدين اخدنا استراحة لتناول الغذاء

وبعد الغذاء كان في مفاجاة كبيـــــــــــــــــــــــــــرة

مجهزها لينا الاستاذ / سامي

و الاستاذه / سماح

والاستاذ / محمود

اقولكم ايه؟؟؟؟؟؟؟؟

لانش في النيل

ركبنا لانش في النيل وهنا بقي ارتفع جمال الرحلة لان انا شخصيا كان
نفسي ان اركب مركب في النيل والحمد لله الطلاب كمان كانوا مالين الدنيا فرح
ولعب وهيصة

وكانت فترة ممتعه جدا تخيلوا
معايا الشمس وهيه علي صفحة النيل وجمال وروعه المكان

حلو جدا جدااااااااااااااااا

بصراحة ماكنش حد عايز المركب ترجع بس استمتعنا كتيررررررررررر بالرحلة
النيلية دي

وبعدين رجعنا اللي الشط تاني ولعبنا شويا

وهكذا انتهت الاوقات الحلوه سريعا

وبعدين حان موعد الرجوع وركبنا الاتوبيس متجهين الي ميت عاصم تاركين مدينه
المنصورة اخذين معنا ذكريات جميله لاوقات ممتعه قضيناها مع الطلاب ذكريات سوف تظل
مفحورة في وجدانهم مع وعد برحلة اخري
جديدة في القريب

ان شاء الله

وحمد لله علي السلامه

في نهاية اود ان اشكر جميع من ساهم في ان تخرج هذه الرحلة بالشكل الممتع
الجميل الذي كانت عليه

الاستاذ / محمود فتحي

الاستاذ / سامي معتمد صابر

الاستاذه / سكينة مصطفي عبد العاطي

الاستاذه / امال احمد محمد محمد

والاستاذه / سماح صابر

واخص بشكل خاص احبائي الطلاب الذين منحونا كثير من البهجة والمرح في كل
خطوه كانوا يخطونها في كل كلمه ولفته حلوه منهم

انا علي فكرة دي كانت اول رحلة ليا مع طلابه بس بجد مقدرش اخفي اقد ايه كنت
مبسوطة و استمتعت كتيررررررررر بالجو الحلو اللي عملوه الطلاب خلوني اقول يا ريت تكرر
الرحلة دي تاني

سلالالالالالالالالالالام

موضوع: رد: رحلة جميلة الجمعة مايو 13, 2011 1:43 pm

بجد رحلة جميلة

موضوع: رد: رحلة جميلة الأحد مايو 15, 2011 1:14 pm

جميلة

موضوع: رد: رحلة جميلة الأحد مايو 15, 2011 1:15 pm

روعة

موضوع: رد: رحلة جميلة الأحد مايو 15, 2011 1:19 pm

روعة

موضوع: رد: رحلة جميلة الخميس مايو 17, 2012 3:08 pm

مينفعش كده عايزين كل الصور
على العموم صور جميلة وموضوع اجمل حقيقى
وحشتينى يا ست الكل
اتنمنى اشوفك عن قريب ان شاء الله